"Манчестер Сити" бошқарувчиси Пеп Гвардиола Эрлинг Холанднинг ҳозирги ҳолати ҳақида ўз фикри билан ўртоқлашди.

Октябрь ойи охирида норвегиялик ўзига хос ритмини тиклади: у "Брайтон"га қарши ўйинда гол урди, кейин эса "Янг Бойз" ва "Манчестер Юнайтед"га қарши ўйинларда дубль қайд этди.

“У мавсум бошида атиги уч ҳафта дам олди ва кўп дақиқалар ўйнади. Аммо у аллақачон кўп гол урган ва ҳар бир учрашувда кўпроқ гол уриш учун кўплаб имкониятларга эга бўлган. Эрлинг ажойиб футболчи ва биз учун алоҳида аҳамиятга эга. Кўряпманки, у ҳозир ўзини ажойиб ҳис қилмоқда. Бугун у ақл бовар қилмайдиган куч билан машқ қилди. Унинг майдонда бўлиши бизга ишонч бағишлайди", - деди Гвардиола.