"Манчестер Юнайтед" бош мураббийи Эрик тен Хаг португалиялик ярим ҳимоячи ва жамоаси сардори Бруну Фернандеш ҳақида гапирди.
"Нега баъзилар жамоа сардори сифатида Бруну Фернандешга шубҳа қилишларини тушунмаяпман. У биз учун муҳим футболчи. Ҳамманинг хатолари бор ва ҳеч ким мукаммал эмас. Лекин, такрор айтаман, у бизнинг клуб учун жуда ва жуда муҳим" - деди тен Хаг.
Фернандеш "Манчестер Юнайтед"да 2020 йилдан бери ўйнаб келмоқда. Жорий мавсумда ярим ҳимоячи "манкунианликлар" сафида барча турнирларда 15 та ўйин ўтказиб, 3 та гол ва 3 та голли узатмага муаллифлик қилган. Футболчининг клуб билан амалдаги шартнома 2026 йилгача амал қилади.
