"Барселона" бошқарувчиси Хави Эрнандес "Реал Сосьедад" футболчиси Такефуса Кубонинг истеъдодини юқори баҳолади.
22 ёшли ярим ҳимоячи "Барселона"га қарши бутун ўйинни ўтказди, аммо жамоасига мағлубиятдан қутулиб қолишга ёрдам бермади (0:1). Бироқ, Хави тан олганидек, "Реал Сосьедад" ажойиб ўйин кўрсатди ва "кўк-анорранглилар" ғалабага лойиқ эмас эди.
Шунингдек, испаниялик мураббий япониялик ярим ҳимоячининг ўйинидан қойил қолганини ҳам айтиб ўтди: “Кубо жаҳон даражасидаги футболчи. У тўп билан ҳам, тўпсиз ҳам жуда яхши”, - деди Хави ўйиндан кейинги интервьюсида.
"Реал Сосьедад" 2022 йилнинг ёзида "Реал"дан Такефуса Кубони сотиб олганди. Жорий мавсумда футболчи Ла Лиганинг 11 та учрашувида 5 та гол урди ва 2 та голли узатмани амалга оширди.
