Ҳужумкор ярим ҳимоячи Усмон Дембеле январь ойидаги трансфер ойнасида Франциянинг "ПСЖ" клубини тарк этиши мумкин. Вингернинг хизматларига Англия Премьер-лигасининг бир қанча вакиллари қизиқиш билдирмоқда.
Todofichajes нашрининг хабар беришича, учта клуб футболчини ўз сафига қўшиб олишни режалаштирмоқда. Гап Лондоннинг “Арсенал”, “Челси” ва “Ньюкасл” клублари ҳақида кетмоқда.
26 ёшли футболчи ёзги трансфер ойнасида Каталониянинг “Барселона” клубидан 50 миллион евро эвазига “ПСЖ” сафига қўшилганди. Унинг ҳозирги қиймати 60 миллион еврога баҳоланмоқда.
Лига 1нинг жорий мавсумида Усмон ўнта ўйин ўтказиб, учта голли узатмани амалга оширди. Унинг шартномаси 2028 йилнинг ўрталарига қадар мўлжалланган.
