"Челси" бош мураббийи Маурисио Почеттино "Стэмфорд Бридж"да илгари "Тоттенхэм"да ҳис қилган муҳаббатни ҳис қилмаслигини тан олди. Эслатиб ўтамиз, бугун тунда аргентиналик мутахассис ўзининг собиқ жамоаси билан илк бор тўқнаш келади.

"Ёлғон гапира олмайман, мен “Тоттенхэм”да “Челси”дан кўра кўпроқ мухлисларнинг севгисини ҳис қилдим. Умид қиламанки, бир кун келиб мен “Тоттенхэм”даги каби “Челси” мухлисларидан худди шундай меҳр-муҳаббатга эга бўламан. Бу жамоа яхши иш олиб бораётганини билдиради. Албатта, мен буни жуда хоҳлардим" - деди Почеттино матбуот анжуманида.

Почеттино “Тоттенхэм” бошқарувида бирорта соврин юта олмади, бироқ у жамоа билан кетма-кет 4 марта кучли 4-ўринни эгаллади ва “шпорлар”ни Чемпионлар лигаси финалига олиб чиқди.