1986 йилнинг 6 ноябрь куни Англиянинг "Манчестер Юнайтед" клуби тарихида муҳим воқеа юз берди. "Манкунианликлар" жамоаси бош мураббийи лавозимини афсонавий Алекс Фергюсон эгаллади.

Шотландиялик мутахассис 1986 йилдан 2013 йилгача "қизил иблислар" бошқарувида ишлаган. Унинг қўл остида "Манчестер Юнайтед" 1500 та ўйин ўтказиб, 895 та ғалаба қозонган. Фергюсон қўл остида "манкунианликлар" 38 та соврин, жумладан 13 та Премьер-лига ва 2 та Чемпионлар лигасида ғалаба қозонишган.

Ҳозирда жамоа бош мураббийи лавозимини Эрик тен Хаг эгаллаб турибди. Нидерландиялик мураббий қўл остида клуб Премьер-лиганинг жорий мавсумида саккизинчи ўринни эгаллаб турибди.