Словениялик дарвозабон Ян Облак энди "Атлетико Мадрид"да қолишни истамаяпти. 30 ёшли дарвозабон янги вазифага интилмоқда. Унинг олдида Англия премьер-лигасида фаолиятини давом эттириш имкониятлари мавжуд.
Todofichajes нинг фикрича, топ дарвозабон хизматига Лондоннинг “Челси”, “Манчестер Юнайтед” ва “Ньюкасл” клублари қизиқиш билдирмоқда. Облакнинг трансфер нархи 35 миллион еврога баҳоланмоқда.
Словениялик футболчи 2014 йилнинг июлидан буён “матрасчилар” сафида ўйнамоқда. Томонлар ўртасидаги амалдаги шартнома муддати 2028 йилнинг ўрталаригача ҳисобланган.
Испания чемпионатининг жорий мавсумида Ян 11 та ўйин ўтказиб, 11 та гол ўтказиб юборди.
