Sloveniyalik darvozabon Yan Oblak endi "Atletiko Madrid"da qolishni istamayapti. 30 yoshli darvozabon yangi vazifaga intilmoqda. Uning oldida Angliya premyer-ligasida faoliyatini davom ettirish imkoniyatlari mavjud.
Todofichajes ning fikricha, top darvozabon xizmatiga Londonning “Chelsi”, “Manchester Yunayted” va “Nyukasl” klublari qiziqish bildirmoqda. Oblakning transfer narxi 35 million yevroga baholanmoqda.
Sloveniyalik futbolchi 2014 yilning iyulidan buyon “matraschilar” safida o‘ynamoqda. Tomonlar o‘rtasidagi amaldagi shartnoma muddati 2028 yilning o‘rtalarigacha hisoblangan.
Ispaniya chempionatining joriy mavsumida Yan 11 ta o‘yin o‘tkazib, 11 ta gol o‘tkazib yubordi.
