"Ньюкасл" ярим ҳимоячи Рубен Невеш борасида "Ал-Ҳилол" билан музокараларни бошлади.
Ўтган ҳафтада маълум бўлишича, португалиялик футболчи "қарғалар" раҳбарияти томонидан мавсум охиригача дисквалификация қилинган Сандро Тоналининг ўрнига асосий номзод сифатида белгиланган.
Инсайдер Николо Скиранинг сўзларига кўра, инглиз клуби 26 ёшли ярим ҳимоячи билан шартнома имзолаш устида иш бошлаган - ижара бўйича томонлар ўртасида музокаралар олиб борилмоқда.
Рубен Невеш ўтган ёзда "Вулверхэмптон"дан "Ал-Ҳилол"га ўтган эди. Ушбу трансфер Саудия клубига 55 миллион еврога тушди. Футболчининг ҳозирги қиймати Transfermarkt портали томонидан 40 миллион еврога баҳоланмоқда.
