"ПСЖ" ҳимоячиси Люк Эрнандес Луис Энрике билан ишлаш борасидаги саволга жавоб берди.
Франциялик футболчи шу ёзда "Бавария"дан кўчиб ўтиб, Лига 1 гиганти сафига қўшилди. Айни пайтда жамоани Луис Энрике бошқарди.
"Энрикенинг усулларида нимаси диққатга сазовор? Энг яққол кўринадиган нарса - тўпга доимий эгалик қилиш истаги. Биз доимо тўпни назорат қилишга ҳаракат қиламиз, агар уни йўқотиб қўйсак, дарҳол қайтаришга ҳаракат қиламиз. Биз у билан ишлашдан завқланамиз, машғулотларда қувончни ҳис қиламиз. Биз машғулотларга жиддий ёндашамиз, лекин доим ижобий муносабат билан ишлаймиз - мураббий шуни хоҳлайди. У учун футболчиларнинг қувончини кўриш жуда муҳим" - деди Эрнандес Le Parisien нашрига.
