Марказий ҳужумчи Алваро Мората «Атлетико Мадрид» билан янги меҳнат шартномасини имзолади, бу ҳақда инсайдер Фабрицио Романо ижтимоий тармоқлар орқали маълум қилди.
Манбага кўра, томонлар ҳамкорликни 2027 йилнинг ўрталарига қадар узайтирган. Моратанинг «матрасчилар» билан аввалги шартномаси кейинги ёзда якунига етади.
31 ёшли ҳужумчи Испания чемпионатида жорий мавсумда ўнта ўйин ўтказди. Мората 7 та гол ва битта голли узатмани амалга оширди.
11 ўйиндан кейин «Атлетико» Ла Лига турнир жадвалида тўртинчи ўринни эгаллаб турибди.
