Markaziy hujumchi Alvaro Morata «Atletiko Madrid» bilan yangi mehnat shartnomasini imzoladi, bu haqda insayder Fabrisio Romano ijtimoiy tarmoqlar orqali ma’lum qildi.

Manbaga ko‘ra, tomonlar hamkorlikni 2027 yilning o‘rtalariga qadar uzaytirgan. Morataning «matraschilar» bilan avvalgi shartnomasi keyingi yozda yakuniga yetadi.

31 yoshli hujumchi Ispaniya chempionatida joriy mavsumda o‘nta o‘yin o‘tkazdi. Morata 7 ta gol va bitta golli uzatmani amalga oshirdi.

11 o‘yindan keyin «Atletiko» La Liga turnir jadvalida to‘rtinchi o‘rinni egallab turibdi.