Испаниялик ярим ҳимоячи Тьяго Алькантара «Ливерпуль» билан хайрлашишга яқин, деб хабар бермоқда Fichajes журналистлари.
Манба берган хабарга кўра, тажрибали ярим ҳимоячининг Италия чемпионатига ўтиш имкониятлари бор.
Тьяго хизматларига «Интер» ва Туриннинг «Ювентус» клублари қизиқиш билдирмоқда. «Кекса синёра» испаниялик футболчини Поль Погба ўрнига муносиб номзод сифатида кўрмоқда.
32 ёшли ярим ҳимоячи 2020 йилнинг сентябридан буён мерсисайдликлар сафида тўп тепмоқда. Унинг «қизиллар» билан шартномаси жорий мавсум охирида якунига етади.
