Чемпионлар лигасининг гуруҳ босқичидаги тўртта ўйинда учинчи ғалабасини қўлга киритган Миланнинг “Интер” клуби Европанинг энг нуфузли клублар ўртасидаги футбол турнирининг навбатдаги босқичига йўлланмани қўлга киритди.
Муваффақият Лаутаро Мартинес томонидан пенальтидан аниқ амалга оширилган зарба эвазига келди. Гол муаллифи ғалаба ҳақида фикр билдирди.
"Мен жуда хурсандман, бизда қийин гуруҳ бор, лекин биз плей-оффга эрта чиқишни мақсад қилганмиз ва бугун муаммони ҳал қилдик. Баъзи жамоалар бизга қийинчилик туғдирди, аммо бу Чемпионлар лигаси. Охирги ўйинда биринчи бўлим ёмон ўтди, аммо якунда биз ғалаба қозона олдик", - дея аргентиналик футболчининг сўзларини келтиради fcinter1908.it.
