БААнинг "Ал-Аҳли" клубининг испаниялик бош мураббийи Кике Санчес Флореснинг таъкидлашича, вақти келиб Жозе Моуриньо БАА миллий терма жамоаси бош мураббийига айланиши мумкин экан. Бу ҳақда Флорес Дубайда ўтказилган еттинчи спорт конференциясида маълумот бериб ўтган.

"Жозе БААга келса яхши бўларди. У бутун дунё учун очиқ мураббий ҳисобланади. У ўз ишини яхши кўради. Ишончим комил, бир кун келиб, у албатта ишлаш учун БААга келади. Шунингдек, яқин йиллар ичида БАА футболи янада ривожланишини билади", дейди Флорес.

"Мен Моуриньо билан тушлик қилдим ҳамда Жозе ва унинг агенти билан суҳбатлашдим. Бу суҳбат мен учун муҳим аҳамиятга эга бўлди. Боиси биз у билан Испания футболидаги муаммолар ҳақида гаплашдик".

"У мендан БАА чемпионати ва бу ердаги вазият ҳақида сўради. Суҳбатимиз дўстона муҳитда ўтди. У менга БААга захира варианти сифатида қарашини айтиб ўтди. БАА яхши жой эканини ва бу мамлакат футболи келажакда ривожланишини таъкидлади", дейди "Ал-Аҳли мураббийи.

"У менга: Кике, БААда бахтли эканингиз юзингиздан кўриниб турибди, - деди. У БААлик футболчилар ва БАА футбол юлдузлари ҳақида сўради", дейди Кике Санчес Флорес.