Мадриднинг “Реал” клуби бош мураббийи Карло Анчелотти Чемпионлар лигаси гуруҳ босқичидан ўрин олган “Брага”га (3:0) қарши ўйинда дарвозабон Андрей Луниннинг ўйини ҳақида фикр билдирди. Украиналик посбон ўйинда ўз дарвозаси даҳлсизлигини сақлаб қолди ва учрашув бошида пенальтини қайтарди.
"Кепа ўйиндан олдин муаммоларга дуч келди. Лунин ажойиб сейв билан ўйинда ғалаба қозонишимизга ёрдам берди. Бизда футболчиларнинг яхши танлови бор, бу бизга барча турнирларда ғалаба учун курашиш имкониятини беради", - деди Анчелотти Marca нашрига.
Мадрид клуби тўрт турдан сўнг 12 очко тўплади ва 2023/2024 йилги мавсумда Чемпионлар лигасининг плей-офф босқичига йўлланмани эрта кафолатлади.
