«Ювентус» ва «ПСЖ» клубларининг собиқ директори Жан-Клод Блан Англия премьер-лигасининг топ-клубларидан бирида иш топиши мумкин.
«Манчестер Юнайтед» мутахассиснинг хизматларига қизиқиш билдирмоқда, бу ҳақда инсайдер Николо Скира ижтимоий тармоқлар орқали хабар берди. Функционернинг ўзи аллақачон розилик берган ва «қизил иблислар»га ўтишга тайёр.
Англия премьер-лигасининг жорий мавсумида «манкунианликлар» 11 учрашувдан сўнг 18 очко жамғариб, турнир жадвалида атиги саккизинчи ўринни эгаллаб турибди.
Эрик тен Хаг шогирдлари навбатдаги ўйинни «Лутон»га қарши ўтказади. Учрашув 11 ноябрь куни Манчестер стадионида бўлиб ўтади.
