Лондоннинг “Тоттенхэм” клубининг етакчи ярим ҳимоячиси Жеймс Мэддисон Англия терма жамоаси сафида бўлажак ўйинларда майдонга тушмайди. Футболчи жароҳати сабаб халқаро ўйинларни ўтказиб юборади, деб хабар беради "шпорлар" матбуот хизмати.
Мэддисон тўпиғидан олган жароҳати билан касалхонада. Шу тариқа, ярим ҳимоячи Англия терма жамоасига 2024 йилги Европа чемпионати саралаш босқичи доирасидаги Мальта ва Шимолий Македонияга қарши ўйинларда ёрдам бермайди.
Жеймс ёзги трансфер ойнасида "Лестер"дан "Тоттенхэм"га ўтди. Битим суммаси 46 миллион еврони ташкил қилади. Жорий мавсумда ярим ҳимоячи 12 та ўйинда майдонга тушиб, 3 та гол урди ва 5 та голли узатмани амалга оширди.
