"Челси" бош мураббийи Маурисио Почеттино жамоанинг узоқ муддатли режаларида ярим ҳимоячи Коул Палмер муҳим роль ўйнашини айтди.
21 ёшли футболчи 1 сентябрь куни "Манчестер Сити"дан "кўклар"га ўтганди - трансфер нархи 47 миллион еврога баҳоланмоқда. Почеттино шогирдлари сафида 13 та ўйин ўтказиб, англиялик йигит бешта гол ва тўртта голли узатмани амалга оширди.
“Биз Палмердан мамнунмиз. Биз унга ҳозир ишонамиз, лекин келажак учун ҳам катта истиқболларни кўрамиз. У жуда ақлли, тезда кўникишга муваффақ бўлди. Коул ўсишда давом этиши керак, лекин у аллақачон аъло даражада ўйнамоқда. Биз уни лойиҳамиздаги асосий фигура деб биламиз", - дея аргентиналик мураббий сўзларини келтиради инсайдер Фабрицио Романо.
