"Chelsi" bosh murabbiyi Maurisio Pochettino jamoaning uzoq muddatli rejalarida yarim himoyachi Koul Palmer muhim rol o‘ynashini aytdi.
21 yoshli futbolchi 1 sentyabr kuni "Manchester Siti"dan "ko‘klar"ga o‘tgandi - transfer narxi 47 million yevroga baholanmoqda. Pochettino shogirdlari safida 13 ta o‘yin o‘tkazib, angliyalik yigit beshta gol va to‘rtta golli uzatmani amalga oshirdi.
“Biz Palmerdan mamnunmiz. Biz unga hozir ishonamiz, lekin kelajak uchun ham katta istiqbollarni ko‘ramiz. U juda aqlli, tezda ko‘nikishga muvaffaq bo‘ldi. Koul o‘sishda davom etishi kerak, lekin u allaqachon a’lo darajada o‘ynamoqda. Biz uni loyihamizdagi asosiy figura deb bilamiz", - deya argentinalik murabbiy so‘zlarini keltiradi insayder Fabrisio Romano.
