Мюнхеннинг "Бавария" клуби январь ойида "Челси"дан марказий ҳимоячи Трево Чалобани сотиб олмоқчи эмас. Журналист Кристиан Фалк берган маълумотларга кўра, англиялик футболчи жароҳати сабаб февраль ойига қадар майдонга туша олмайди. "Бавария"га январда дарҳол жамоага ёрдам бера оладиган футболчи керак.

Эслатиб ўтамиз, Чалоба жорий мавсумда "Челси" таркибида бирорта ҳам ўйинда майдонга тушмади. Футболчи ёзда жамоани тарк этиши мумкин эди, аммо "Бавария" ойнанинг сўнгги кунларида трансфер борасида келиша олмади.

Хабарларга кўра, "Бавария" ўнг қанот ҳимоясида ҳам ўйнай оладиган бошқа марказий ҳимоячи қидиради.