Лионель Месси "Интер Майами" мухлисларига мурожаат қилди.
Флорида клуби "Нью-Йорк Сити" билан ўртоқлик учрашуви ўтказди (1:2). Ўйин олдидан Месси мухлисларга ўзининг 8-Олтин тўпини кўрсатди.
"Аввало, келганингиз, ушбу ажойиб маросим учун раҳмат айтмоқчиман. Бу лаҳзани сиз билан баҳам кўриш мен учун ажойиб нарса. Бу ерга келганимга кўп бўлгани йўқ, лекин кўп вақт ўтганга ўхшайди.
Бошида айтганимдек, мен бу ерни яхши кўришимга ҳеч қачон шубҳа қилмаганман ва энди кейинги йил бундан ҳам яхшироқ бўлишига шубҳа қилмайман. Биз завқланишда давом этамиз, унвонлар ютишда давом этамиз ва мен келганимдан бери бизни қўллаб-қувватлайсиз деган умиддаман.
Ажойиб бўлди, келаси йили эса муҳим турнирларда бирга қатнашамиз. Барчангизга раҳмат ва хайрли тун", - деди аргентиналик футболчи.
