"Эвертон"нинг украиналик ҳимоячиси Виталий Миколенко Англия чемпионатида мавсумдаги энг тезкор голига муаллифлик қилди, деб хабар бермоқда Opta портали.
У "Кристал Пэлас"га қарши 12-тур учрашувининг 54-секундида гол урди. Бу ўйинда украиналик футболчи ҳисобни очди.
У кетма-кет иккинчи ўйинда гол урди. Ўтган турда Виталий "Брайтон" дарвозасини ишғол қилганди (1:1).
24 ёшли футболчи жорий мавсумда "Эвертон" сафида 11-учрашувини ўтказмоқда ва 2 та гол урди.