“Ювентус” ғалабали сериясини 5 та ўйинга етказди.
Массимилиано Аллегри шогирдлари Италия чемпионатининг 12-турида “Кальяри”ни мағлуб этишди (2:1).
Туринликлар сўнгги мағлубиятни 23 сентябрь куни қабул қилганди - "Сассуоло"дан (2:4). Шундан сўнг улар "Лечче"ни мағлуб этишди, "Аталанта" билан дуранг ўйнашди, кейин эса кетма-кет 5 учрашувда ғалаба қозониб, атиги 1 та гол ўтказиб юборишди.
Айни дамда “Ювентус” 29 очко билан А Серияда биринчи ўринда бормоқда. 12-турда ҳали ўйнамаган “Интер” эса 28 очко билан иккинчи ўринда бормоқда. Бу клублар 26 ноябрь куни тўқнаш келишади.
