"Манчестер Юнайтед" Англия чемпионатининг ўн иккинчи турида "Лутон Таун"ни мағлуб этди, Эрик тен Хаг шогирдлари битта гол урди ва бу уч очко учун етарли бўлди. Учрашувдаги ягона голга жамоа ҳимоячиси, швециялик футболчи Виктор Линделёф муаллифлик қилди. У учрашув натижаларини қуйидагича изоҳлади:
"Мен тез-тез гол урмайман, шунинг учун бу ноодатий бўлди. Бизга ҳақиқатан ҳам уч очко керак эди ва биз уларни қўлга киритдик. Биринчи бўлимда яхши ўйнадик деб ўйлайман. Биз тўпни яхши ушлаб, имкониятлар яратдик. Ёмон томони шундаки, гол урганимиздан кейин бироз рақибга имкон бердик. Биз бунинг устида ишлашимиз керак", - дея Линделоф сўзларини келтиради BBC Sport.
