"Manchester Yunayted" Angliya chempionatining o‘n ikkinchi turida "Luton Taun"ni mag‘lub etdi, Erik ten Xag shogirdlari bitta gol urdi va bu uch ochko uchun yetarli bo‘ldi. Uchrashuvdagi yagona golga jamoa himoyachisi, shvesiyalik futbolchi Viktor Lindelyof mualliflik qildi. U uchrashuv natijalarini quyidagicha izohladi:
"Men tez-tez gol urmayman, shuning uchun bu noodatiy bo‘ldi. Bizga haqiqatan ham uch ochko kerak edi va biz ularni qo‘lga kiritdik. Birinchi bo‘limda yaxshi o‘ynadik deb o‘ylayman. Biz to‘pni yaxshi ushlab, imkoniyatlar yaratdik. Yomon tomoni shundaki, gol urganimizdan keyin biroz raqibga imkon berdik. Biz buning ustida ishlashimiz kerak", - deya Lindelof so‘zlarini keltiradi BBC Sport.
