"Манчестер Сити" "ПСЖ" ярим ҳимоячиси Уоррен Заир-Эмерини ўз сафига қўшиб олмоқчи.
Француз 17 ёшида парижликларнинг асосий таркибида ўйинчи бўлишга муваффақ бўлди, буни бошқа клублар ҳам сезмай қолмади. France Televisions хабарига кўра, ўтган ёзда Англиянинг "Манчестер Сити" жамоаси ўсиб бораётган юлдузни ўз сафига жалб қилишга уриниб, трансфер учун 60 миллион евро таклиф қилган. "ПСЖ" президенти Носир ал-Хелайфий бунга кескин рад жавобини берди.
Уоррен Заир-Эмери жорий мавсумда Луис Энрике жамоаси сафида 15 та ўйинда майдонга тушиб, 5 та голли узатма ва 2 та гол урди. Transfermarkt портали ярим ҳимоячининг нархини 50 миллион еврога баҳоламоқда.
