"Manchester Siti" "PSJ" yarim himoyachisi Uorren Zair-Emerini o‘z safiga qo‘shib olmoqchi.

Fransuz 17 yoshida parijliklarning asosiy tarkibida o‘yinchi bo‘lishga muvaffaq bo‘ldi, buni boshqa klublar ham sezmay qolmadi. France Televisions xabariga ko‘ra, o‘tgan yozda Angliyaning "Manchester Siti" jamoasi o‘sib borayotgan yulduzni o‘z safiga jalb qilishga urinib, transfer uchun 60 million yevro taklif qilgan. "PSJ" prezidenti Nosir al-Xelayfiy bunga keskin rad javobini berdi.

Uorren Zair-Emeri joriy mavsumda Luis Enrike jamoasi safida 15 ta o‘yinda maydonga tushib, 5 ta golli uzatma va 2 ta gol urdi. Transfermarkt portali yarim himoyachining narxini 50 million yevroga baholamoqda.