Уругвай терма жамоаси навбатдаги учрашувида Аргентина терма жамоаси – жаҳон чемпионига қарши баҳс олиб боради. Уругвай терма жамоаси бош мураббийи Марсело Бьелса дунёнинг энг яхши футболчиси Лионель Мессини қандай тўхтатишни билмаслигини тан олди.
"Агар формулани билсангиз, айтинг. Мен билмайман. У дунёнинг энг яхши футболчиси. Агар уни ҳали ҳеч ким тўхтата олмаган бўлса, унда, эҳтимол, бундай формула йўқ", - деди Уругвай терма жамоаси мураббийи.
17 ноябрь куни қўшни давлатлар Уругвай ва Аргентина терма жамоалари ўзаро баҳс олиб боришади.
