Маурисио Почеттино «Челси»нинг «Манчестер Сити»га қарши ўйиндаги иштирокидан мамнун.
Лиганинг 12-туридан ўрин олган учрашув 4:4 ҳисобида якунланди.
«Шунинг учун биз доимо Премьер-лигани дунёнинг энг яхши лигаси деб айтамиз. Биз ўзгача бир нарса қилмоқчимиз ва шундай ўйнашимиз керак. Биз дунёнинг энг яхши жамоаси дарвозасига тўртта гол урдик. Бундай тарзда халқаро танаффусга чиқиш ёқимли.
Ўйинга яхши ёндашдик, дадил ҳаракат қилдик. Бу – футболнинг моҳияти. Мен жуда фахрланаман ва хурсандман. Футболчилар таслим бўлишмади, уларнинг реакцияси ҳайратланарли эди», деди Почеттино.
