Тошкентнинг "Локомотив" клуби ўзининг БААдаги йиғини доирасида бугун илк назорат учрашувини ўтказди. Вакилларимизга Германия Бундеслигаси вакили "Гамбург" рақиблик қилди.
Ўйиннинг биринчи бўлимида ҳисоб очилмаган бўлса, иккинчи 45 дақиқаликда дарвозаларга 4та тўп киритилди. Ўйиннинг 50 ва 61-дақиқасида Рудневс ва Аого томонидан киритилган голлардан кейин немислар 2:0 ҳисобида олдинга чиқиб олишганди. 71-дақиқада эса "Локомотив" футболчиcи Садриддин Абдуллаев битта жавоб тўпини киритишга муваффақ бўлди. Орадан 2 дақиқа ўтар-ўтмас гамбургликлар яна бир гол киритиб, ҳисобни 3:1га етказишди. Германияликларнинг учинчига голига Берг муаллифлик қилди.
Ушбу ҳисоб ўйинда бошқа ўзгармади.
Назорат ўйини
"Локомотив" - "Гамбург" (Германия) - 1:3
Голлар: Садриддин Абдуллаев (71) — Рудневвс (50), Аого (61), Берг (73)
