«Бавария»нинг машҳур дарвозабони Мануэль Нойер иккинчи марта уйланди. Унинг танлаган турмуш ўртоғи 23 ёшли спортчи, гандболчи ва асли немис бўлган Аника Биссель бўлди.

Bild нашри хабарига кўра, эр-хотин Бавариядаги Тегернзе кўли яқинидаги шаҳар ҳокимиятида кичик маросим ўтказган.

Эътиборлиси, бу 37 ёшли Нойернинг иккинчи никоҳи; 2017 йилдан 2020 йилгача Мануэль Нина Вайсс билан яшаган.

Айтганча, сентябрь ойининг охирида Нойер яқинда ота бўлиши ҳақида хабар берилганди - унинг севгилиси ҳомиладор эди.

Жорий мавсумда Нойер барча расмий турнирларда бешта ўйин ўтказиб, уларда бешта гол ўтказиб юборди.