"Барселона" маълум шартлар остида "Атлетико"дан ҳужумчи Жоау Феликсни сотиб олишга тайёр.
Португалияликнинг ижара муддати мавсум охиригача. Шартнома сотиб олиш вариантини ўз ичига олмайди, бироқ, баъзи маълумотларга кўра, "Атлетико" форвардни сотишдан 80 миллион еврога яқин даромад олмоқчи. Sport хабарига кўра, "Барселона" ҳали ҳам футболчини тўлиқ сотиб олишдан манфаатдор, бироқ анча арзонлаштирилган нархда.
Жоау Феликс “Барселона” сафида барча мусобақаларда 14 та ўйинда майдонга тушиб, 3 та гол ва 4 та голли узатмага муаллифлик қилган. Transfermarkt портали футболчининг нархини 50 миллион еврога баҳолаган.
