Руди Гарсия "Наполи" бош мураббийи сифатида ўзини кўрсата олмади.

Франциялик мутахассис мавсум бошланишидан олдин Италиянинг амалдаги чемпиони бошқарувини ўз қўлига олди ва 14 ноябрь куни клуб унинг истеъфоси ва Вальтер Маццарри тайинланганини расман эълон қилди. Opta хабарига кўра, Гарсия Де Лаурентис даврида (2004 йилдан бери) "Наполи" антирекордини ўрнатган: у жамоа бошқарувидаги бор-йўғи 16 ўйиндан сўнг ишдан бўшатилган - белгиланган муддат ичида ҳаммадан эртароқ.

Руди Гарсия қўл остида “Наполи” 8 та ғалаба, 4 та дуранг ва 4 та мағлубият қайд этган. Жамоа 12 турдан кейин А Серия турнир жадвалида тўртинчи ўринда бормоқда.