Мадриднинг “Атлетико” клуби ва Испания терма жамоаси ҳужумчиси Альваро Мората индивидуал соврин ҳақида ўйламаслигини тан олди.
31 ёшли футболчи мавсумни ажойиб ўтказмоқда, шу сабабли у кўплаб мақтовларга сазовор бўлди: масалан, Диего Симеоне испаниялик футболчини Премьер-лига рекордчиси Эрлинг Холанддан кам эмаслигини айтди, Родри ҳатто Моратани норвегиялик жамоадошидан ҳам юқорига қўйди.
"Олтин тўп"ми? Мен бу ҳақда ўйламайман. Мен индивидуал совринларни қўлга киритишни истардим, аммо ҳозир Родри бунга яқинроқ. Менинг асосий мақсадим – юқори сифатли ўйин кўрсатиш. Биз Евро-2024 га йўлланма олдик, бу кўринадиган даражада осон эмас, мен шунингдек "Атлетико"да мавсумни муваффақиятли ўтказишни истардим, лекин "Олтин тўп" ҳақида ўйламайман", - дея Мората сўзларидан иқтибос келтиради AS.
