"Бавария"дан 2:8 ҳисобидаги шов-шувли мағлубиятдан сўнг жамоадан ҳайдалган "Барселона"нинг собиқ бош мураббийи Кике Сетьен каталонияликлар унга қилган меҳнати учун пул тўламоқчи эмаслигини айтди.
Эслатиб ўтамиз, "Барселона" Сетьен билан шартномани муддатидан олдин бекор қилган ва унинг маошини 2022 йилнинг июнигача тўлашга мажбур бўлганди.
"Улар мени улардан тўлов талаб қилмасликка кўндиришга ҳаракат қилишди, мен бунга рози эмасман. Улар ўз мажбуриятларини бажаришга мажбур, мен бир хил муаммоларга дуч келган кўплаб мураббийларни биламан", - дея Сетьен сўзларини келтиради Италиянинг ITASportPress агентлиги.
