"Bavariya"dan 2:8 hisobidagi shov-shuvli mag‘lubiyatdan so‘ng jamoadan haydalgan "Barselona"ning sobiq bosh murabbiyi Kike Setyen kataloniyaliklar unga qilgan mehnati uchun pul to‘lamoqchi emasligini aytdi.
Eslatib o‘tamiz, "Barselona" Setyen bilan shartnomani muddatidan oldin bekor qilgan va uning maoshini 2022 yilning iyunigacha to‘lashga majbur bo‘lgandi.
"Ular meni ulardan to‘lov talab qilmaslikka ko‘ndirishga harakat qilishdi, men bunga rozi emasman. Ular o‘z majburiyatlarini bajarishga majbur, men bir xil muammolarga duch kelgan ko‘plab murabbiylarni bilaman", - deya Setyen so‘zlarini keltiradi Italiyaning ITASportPress agentligi.