Швейцария терма жамоаси 2024 йилги Европа чемпионати учун Европа саралашининг 7-тури доирасидаги Исроил билан сафарда дуранг ўйнади - 1:1.
Учрашувнинг 36-дақиқасида меҳмонлар дарвозасига Рубен Варгас муаллифлик қилди. Мезбонлар 89-дақиқада Шон Вайсманнинг аниқ зарбаси эвазига мувозанатни тиклашди.
90+4-дақиқада швейцариялик ярим ҳимоячи Эдимилсон Фернандес тўғридан-тўғри қизил карточка олди.
Учрашув Фельчут шаҳридаги (Венгрия) "Панчо Арена"да бўлиб ўтди. УЕФА Исроил ва Фаластин ўртасидаги зиддият туфайли ўйин вақти ва жойини кўчирди.
Швейцария 16 очко билан I гуруҳда биринчи ўринда. Исроил 12 очко билан учинчи ўринда. 18 ноябрь куни Швейцария Косовони қабул қилади. Шу куни Исроил терма жамоаси Руминияга қарши баҳс олиб боради.
