Юлиан Брандт Премьер-лигага ўтиши мумкин.

Get German Football News Bild нашрига таяниб хабар беришича, "Боруссия" ярим ҳимоячисига "Арсенал" ва "Ньюкасл" клублари қизиқиш билдирмоқда. Дортмунд клуби 50 миллион евро атрофидаги таклифларни кўриб чиқишга тайёр.

Қайд этилишича, “канонирлар” германиялик футболчини анчадан буён кузатиб боришган ва “қарғалар” Чемпионлар лигасидаги ўзаро ўйиндан сўнг унга эътибор қаратишган.

Қишки трансфер ойнасида трансфер бўлиши даргумон деб ҳисобланади - "Боруссия" Брандтни яқин кунларда қўйиб юбормоқчи эмас.

Бундеслиганинг жорий мавсумида Юлиан 11 та ўйин ўтказиб, 4 та гол ва 4 та голли узатмани амалга оширди.