"Барселона" "Фейеноорд"нинг таянч ярим ҳимоячисига қизиқиш билдирмоқда.
Diario Sport хабарига кўра, Матс Виффер Каталония клубининг эътиборини тортган. 24 ёшли футболчи Каталония клубига ёқади, чунки у барча талаб қилинадиган параметрларга жавоб беради: унинг салоҳияти бор, у ёш, лекин аллақачон тажрибага эга. Футболчи ҳали ўзининг ривожланиш чегарасига етиб бормаган ва трансфер нархи жуда катта бўлмайди.
Ярим ҳимоячининг Нидерландия клуби билан шартномаси 2027 йилгача амалда бўлишига қарамай, "Барса" "Фейеноорд" билан келишувга эриша олишига ишонмоқда.
Жорий Эредивизи мавсумида Виффер 11 та ўйин ўтказиб, 2 та гол урган.
