Франция терма жамоасининг собиқ бош мураббийи, терма жамоани жаҳон чемпионатидаги илк ғалабасига (1998) олиб келган Эме Жаке "кўклар"нинг халқаро майдондаги келажаги ҳақида гапирди.

"Ўзимдан аввалгилар ишидан фойда кўрдим ва федерация билан йиллар давомида қилган яхшилигимдан одамлар фойдаланиши мантиқан тўғри. Бу алоқа узилмас экан, биз жуда узоққа боришимиз мумкин ва француз футболи буни энг юқори даражада намойиш этади: Дидье Дешам қилаётган иши ажойиб!" — деди Жаке Франция футбол федерацияси расмий сайтига.

Франция терма жамоаси 2018-йилда Россияда бўлиб ўтган жаҳон чемпионатида ғолиб чиққан, 2022-йилда Қатарда бўлиб ўтган финалга ҳам етиб келган.