Онлайн викторинанинг бу галги танловида 105 нафар мухлис иштирок этди. Саволлар эса бироз кутилмаган ва интернетда топиш қийин бўлгани учун бўлса керак, натижалар бироз паст бўлди. Аммо танловда бирданига 3 нафар ғолиб аниқланди.
"Viqor", "Tarallabedod" ва "Oftalmolog" никли мухлислар 6 баллдан тўплашди. "Oftalmolog" дастлабки 7та саволнинг 6тасига тўғри жавоб топганди, аммо сўнгги 4та саволга аниқ жавоб топа олмади ва якка ғолиб бўлиш имкониятини қўлдан чиқарди. "Tarallabedod" эса ўзининг чиройли мақолалари билан сайтимизда кўпчиликка маълум. Қорақалпоғистонлик "Viqor"нинг Алексей Глазунов ҳақидаги мақоласи бугун сайтимизда чиққанди. Биз учала иштирокчини ғолиблик билан табриклаймиз. Улар stadionuz@@mail.ru почтасига мурожаат қилиб, ўз телефон рақамларини ёзиб юборишса, уларга мукофот фонди суммаси ўтказиб юборилади.
Шунингдек, 2 нафар мухлис 5та, 9 нафар мухлис эса 4та саволга тўғри топишган. Қолган иштирокчилар эса 3 ва ундан кам балл тўплаган.
Барча иштирокчиларга миннатдорчилик билдирамиз. Викторинанинг кейинги сонларида ҳам фаол иштирок этиб туришни маслаҳат берамиз. Боиси, мухлисларимиз мана шундай тестлар орқали тажриба ошириб боришса, ҳозирда лойиҳалаштирилаётган навбатдаги танловларимизда муваффақиятли иштирок этишлари мумкин.
"Онлайн викторина-15" танлови натижалари билан қуйидаги саҳифада (мобил-версия) танишиб олишингиз мумкин.
