Дунёнинг биринчи рақамли теннисчиси Ига Швентек ва "Барселона" ҳужумчиси Роберт Левандовски Польшада йилнинг энг яхши спортчиси номига номзод бўлишди.
Соврин учун теннисчилар Хуберт Хуркач ва Магда Линетт, баскетболчи Матеуш Понитка ҳамда бошқа спорт турлари вакилларидан иборат жами 20 нафар спортчи кураш олиб бормоқда.
22 ёшли Швентек 2023 йилда "Ролан Гаррос" ва WТА финалларини ўз ичига олган 6 та совринни қўлга киритди, шунингдек, мавсумни дунёнинг 1-ракеткаси сифатида якунлади. Левандовски "Барселона" таркибида 2022/23 йилги мавсумда Испания чемпиони ва Испания Суперкубоги ғолибига айланди.