"Ал-Иттиҳод" ҳужумчиси Карим Бензема Саудия Арабистони чемпионатида ўйнашдан хурсанд эканлигини тан олди.
"Спортга меҳр қўядиган бу буюк инсонлар сафида эканлигимдан жуда хурсандман. Саудия Арабистонига нафақат футбол ўйнаш, балки улкан спорт лойиҳасини амалга ошириш учун келганман. Бу ердаги одамлар ажойиб, улар футболни яхши кўрадилар", - деди Бензема Diario As билан суҳбатда.
Эслатиб ўтамиз, 35 ёшли франциялик футболчи ўтган ёзда “Реал”дан кетганидан сўнг “Ал-Иттиҳод”га ўтган эди. Жорий мавсумда форвард барча турнирларда 13 та ўйинда майдонга тушиб, 9 та гол урди ва 4 та голли узатмани амалга оширди.
