"Милан" қишки трансфер ойнасида янги марказий ҳужумчи билан шартнома имзолаш ниятида.
Жорий мавсумда 37 ёшли Оливье Жиру “россонерилар” сафида яхши ўйин кўрсатмоқда ва клуб раҳбарияти жамоада франциялик тажрибали форвард ўрнини тўлиқ эгаллай оладиган ҳужумчини кўришни истамоқда.
GIFN хабарига кўра, "Милан" "Штутгарт" ҳужумчиси Серу Гирасси билан вазиятни ўрганишда давом этмоқда - у билан аллақачон дастлабки музокаралар олиб борилган. Гвинеялик футболчининг шартномасида товон пули 17 миллион евро қилиб белгиланган. Италия клуби рўйхатидан “Лилль”дан Жонатан Дэвид ва “Монпелье”дан Акор Адамс ҳам бор. Қайд этилишича, "Милан" ҳали устувор номзод борасида бир қарорга келмаган.
