Аргентина терма жамоаси ҳужумчиси Лионель Месси ЖЧ-2026 саралаши доирасидаги ўз жамоасининг Уругвай терма жамоасидан учралган мағлубиятига изоҳ берди.
"Биз қандай жамоага дуч келаётганимизни билардик, ўйнаш биз учун қийин эди. Улар шиддатли ўйнашади, уларда жисмонан кучли ва тезкор футболчилар бор. Биз ўзимизни қулай ҳис қилмадик. Биз оёққа туриб, Бразилияда яхши футбол кўрсатишимиз керак", - деди Месси Аргентина терма жамоаси матбуот хизматига.
Эслатиб ўтамиз, Аргентина терма жамоаси ўз майдонида Уругвай терма жамоасини қабул қилган футбол бўйича 2026 йилги жаҳон чемпионати саралаш босқичининг 5-тур учрашуви якунига етди. Учрашув Буэнос-Айресдаги “Бомбонера” стадионида бўлиб ўтди ва меҳмонларнинг 2:0 ҳисобидаги ғалабаси билан якунланди.
