"Манчестер Юнайтед" ярим ҳимоячиси Каземиро қишки трансфер ойнасида жамоани тарк этиб, Саудия Арабистонига ўтишни истамаяпти, деб хабар бермоқда журналист Бен Жейкобс.
Олдинроқ 31 ёшли бразилиялик футболчига Саудия лигаси клубидан қизиқиш борлиги, Манчестер раҳбарияти эса Каземирони қулай шартларда сотишдан манфаатдор экани ҳақида хабар берилганди.
Каземиро 2022 йилнинг августида "Реал"дан "Манчестер Юнайтед"га ўтган эди. Трансфер суммаси 70,65 миллион еврони ташкил этди. Ўйинчининг клуб билан шартномаси 2026 йилнинг ёзига қадар мўлжалланган. Transfermarkt Казимирони 40 миллион еврога баҳоламоқда.
Жорий мавсумда бразилиялик футболчи 12 та ўйинда майдонга тушиб, 4 та гол урди ва 1 та голли узатмани амалга оширди.
12 турдан кейин "Манчестер Юнайтед" 21 очко билан АПЛ турнир жадвалида олтинчи ўринда бормоқда.
