Аргентина терма жамоаси ярим ҳимоячиси Родриго Де Пауль ЖЧ-2026 саралашида Уругвайдан учралган мағлубият (0:2) ҳақида фикр билдирди.
"Афсуски, майдонда барча яратганимизни амалга ошира олмадик. Уругвай жуда яхши ўйнади. Мухлисларимизга ғалаба келтира олмаганимиздан афсусдамиз. Олдинда яна бир ўйин бор. Бизда "Маракана" ҳақида яхши хотиралар бор, аммо бу қийин ўйин бўлишини биламиз. Мен ўзимни жамоанинг муҳим ўйинчиси эканлигимни ҳис қиляпман, шунинг учун ҳам масъулиятни ўз зиммамга олишим керак, айниқса, бугунги мағлубиятдан кейин. Биз кўнглимизни кўтаришимиз ва Бразилияда ажойиб ўйин кўрсатишимиз керак", - деди Де Пауль терма жамоа матбуот хизматига.
