Индонезияда ўтаётган ўсмирлар ўртасидаги ЖЧда бугун яна икки гуруҳда сўнгги тур ўйинлари ўтказилди. Натижада Ўзбекистон U17 термаси рақиб бўлиши мумкин бўлган икки рақиб қолди.

Бу — "С" ғолиби Англия ёки "D" гуруҳи ғолиби Аргентина. Хўш қандай қандай ҳолатда бизга қайси рақиб тушади?

Агар "E" ва "F" гуруҳларида 3-ўринни эгаллаган жамоалар плей-оффга чиқмаса, биз 1/8 финалда Аргентина билан ўйнаймиз. Улардан бири кейинги босқичга чиқса, ўсмирларимизга Англия рақиблик қилади.

Масалан:

"E" гуруҳининг 3-турида Буркина Фасо - Жанубий Корея ўйинида дуранг қайд этилса ва;

"F" гуруҳининг сўнгги турида Янги Зеландия - Мексика учрашувида 0:0 ҳисобида дуранг (айнан — 0:0*) қайд этилса —
 
бу гуруҳлардан 3-ўрин эгалари кейинги босқичга чиқа олмайди ("А" гуруҳидаги Индонезия чиқади). Бу ҳолат рақибимиз Аргентина бўлади.

Агар Англияга тушсак, нимчорак финал баҳсини 22 ноябрь, чоршанба куни ўтказамиз.

Мабодо рақибимиз Аргентина бўлса, 1/8 финал ўйини 21 ноябрь, сешанба куни ўтказамиз.