Албания терма жамоаси Евро-2024 йўлланмасини қўлга киритди.
Мураббий Силвиньо шогирдлари Евро-2024 саралашининг 9-турида Молдова билан меҳмонда (1:1) майдонга тушди.
Албанлар 14 очко жамғариб, “E” гуруҳида пешқадамлик қилмоқда ва саралаш турнири якунланишига бир тур қолганда иккинчи ўриндан пастга тушмайди. Чехия ҳисобида 11 очко ва бир ўйин бор, Молдова ва Польшада 10 очко бор.
Шу тариқа, Албания Евро-2024 йўлланмасини қўлга киритди, унда турнир мезбони Германия, Австрия, Англия, Бельгия, Венгрия, Испания, Португалия, Туркия, Франция, Шотландия ва Словакия ҳам иштирок этиши аниқ бўлиб улгурган.
Албанлар учун бу тарихдаги иккинчи Европа чемпионати бўлади. 2016 йилда жамоа гуруҳ босқичидан ўта олмади.
